आउ बस

आउ बस , यो मन तिम्रै घर भयो अब 
पिपल तिमी, यो मन तिम्रै बर भयो अब   
                       
 कति कुरुनु ,कुर्दा कुर्दा थाकिसके म त
तिम्रो नामको पछि मेरै थर भयो अब ।।       
 
प्रकृतिको उपहार, रैछ जिन्दगानी           
नारी तिमी, यो ज्यान तिम्रै नर भयो अब ।। 

आउ बस , यो मन तिम्रै घर भयो अब 
पिपल तिमी, यो मन तिम्रै बर भयो अब 
😊😊💕💕🌹🌹

           

यो अँध्यारो अब म सहन्न

दुख कसैलाई दिन चाहन्न, हासाे कसैकाे लिन चाहन्न,।
उज्यालाे माग्दैछ जिन्दगि, यो अँध्यारो अब म सहन्न ।।

घाम नै रहेन भने जुन एक्लै कहाँ चम्किन्छ र ?
तिमी बिना यहाँ मेरो अस्तित्व रहन्न ।।

तिमी आयौ , अनि थाहै नदिई फर्किगयौ अरे
तेसैले त आजकाल यहाँ , सितल पवन बहन्न ।।

दुख कसैलाई दिन चाहन्न, हासाे कसैकाे लिन चाहन्न,।
उज्यालाे माग्दैछ जिन्दगि, यो अँध्यारो अब म सहन्न ।।

बाउको मुख हेर्ने दिन मा एक्लाे म

बाउ खोजे बाउ पाइन मैले
नाम त पाय ,नाम पछाडि थर पाइन मैले ।
अनुमान त लगाय बाउको अनुहार आफैलाई हेरेर,
कति पो मिल्यो केही भर पाइन मैले ।।

आज फेरि तिम्रो यादले  यसरी भक्कनिय म
यस्तो लाग्यो ,कि अब मुटुबाट बन्द भयो रक्त सन्चार ।
कोसिस गरिरहे सास फेर्ने, छट्पटियको छातिले नै
तर अक्सिजन दिने वर पाइन मैले ।।

त्यो पात्रोमा रातो अछेरले किन लेख्नुपर्थ्यो
चुपचाप हेरन आफ्नो बाबाको मुखलाइ ।
तिम्रो यहि एक दीनको विशेष मुख हेराइले यस्तो लाग्छ
हतियार त पाय ,तर तेस्मा धार पाइन मैले ।।

बाउ खोजे बाउ पाइन मैले
नाम त पाय ,नाम पछाडि थर पाइन मैले ।
अनुमान त लगाय बाउको अनुहार आफैलाई हेरेर,
कति पो मिल्यो केही भर पाइन मैले ।।

खै के पो

केही कुरा सोध्न खोज्छु, तिम्रो सामु मन नै जल्छ
मेरै हौ तिमी , यो मनले भन्छ , तिम्रै हु म, तिम्रो मनले भन्छ ???

कति रातहरु कटे तिमी बिनै,अझ कति कटाउनुछ  पर्खाईमा
बचाउछु कुमारत्व यो मन्ले भन्छ, बचाउछु कुमारित्व,तिम्रो मन्ले भन्छ ???

को हौ ?

अरु भन्दा भिन्न देखे

त्यसैले त मनले चाह्यो ।

तिम्रो छहारिमा बस्दा

उमङ्गको बहार छायो ।।

को हौ तिमि मेरो भनि

आफै भित्र प्रस्न गर्दा ।

मुटुको एक टुक्रा

हौनि भन्ने आभास आयो ।।

याद तिम्रो....

आज फेरि धेरै दिन,पछि तिम्रो याद आयो

निदाउनलाई कोल्टे फेरे, झनै तिम्रो याद आयो ।।

कर्कालाको पातमाथी टिलपिल टिलपिल अडिएको

पानी जब बग्न थाल्यो, अनि तिम्रो याद आयो ।।

दिनभरको चर्को घामले रापिएका बादलहरु

साँझपख रुन थाले, अनि तिम्रो याद आयो ।।

बसेको छु तिमिलाई पर्खि, अझै केहि आस बाँकि छ

यादै यादले आँसु झर्यो, झनै तिम्रो याद आयो ।।

आज फेरि धेरै दिन,पछि तिम्रो याद आयो

निदाउनलाई कोल्टे फेरे, झनै तिम्रो याद आयो ।।

Note: Image is ,for attraction only (Image source: Wikipedia)

मनका रहर

तिम्रा हातका औला समाई मायाका बात गर्न मन छ ।

चाहनाका रङ्गहरुले तिम्रो सिउदो भर्न मन छ ।।

गुलाब जस्ता तिम्रा ओठका रहरहरु पुरा गर्दै ।

जिन्दगिका खोलाहरु तिमि सङ्गै तर्न मन छ ।।

बादल सरि फैलिएका तिम्रो केसमा हराउदै ।

कोमल तिम्रा छातिभरि मेरो नाम कोर्न मन छ ।।

रोकिएका छन पाईलाहरु तिम्रै पर्खाईमा बसि ।

मयूर जस्ता तिम्रो चालमा सङ्गै पाईला सार्न मन छ ।।

तिम्रा हातका औला समाई मायाका बात गर्न मन छ ।

चाहनाका रङ्गहरुले तिम्रो सिउदो भर्न मन छ ।।